१५ चैत्र ,काठमाडौँ । नेपाली कम्युनिष्ट पार्टी (नेकपा) का संयोजक पुष्पकमल दाहाल ‘प्रचण्ड’ संसदीय दलको नेतामा चयन भएका छन्। आइतबार बसेको संसदीय दलको बैठकले उनलाई सर्वसम्मत रूपमा उक्त जिम्मेवारी प्रदान गरेको हो।
पार्टी स्रोतका अनुसार संयोजकका रूपमा पार्टीको नेतृत्व गरिरहेकाले प्रचण्डलाई संसदीय दलको नेतृत्व पनि सुम्पिएको हो । यस निर्णयले पार्टीभित्र नेतृत्वको निरन्तरता र एकरूपता कायम गर्ने अपेक्षा गरिएको छ।
गत फागुन २१ गते सम्पन्न प्रतिनिधिसभा सदस्य निर्वाचनमा नेकपाले प्रत्यक्षतर्फ ८ सिट र समानुपातिकतर्फ ९ सिट प्राप्त गर्दै कुल १७ सिटसहित संसदमा चौथो ठूलो दलको हैसियत कायम गरेको छ। नयाँ संसदीय नेतृत्व चयनसँगै पार्टीले संसदभित्र आफ्नो भूमिका अझ प्रभावकारी बनाउने तयारी गरेको जनाइएको छ।
29 March 2026
