१० मङ्सिर ,काठमाडौँ। निर्वाचन आयोगले आगामी फागुन २१ गते हुने प्रतिनिधि सभा सदस्य निर्वाचन प्रयोजनका लागि राजनीतिक दल दर्ता गर्ने अवधि थप ४ दिन बढाएको छ।आगामी निर्वाचनलाई लक्षित गर्दै निर्वाचन आयोगले उक्त निर्णय गरेको हो।
आयोगले आज जारी गरेको विज्ञप्तिमा भनिएको छ,प्रतिनिधि सभा सदस्य निर्वाचन प्रयोजनका लागि दल दर्ता गर्ने कार्यमा देखिएको सेवा ग्राहीको चाप र विभिन्न राजनीतिक दल लगायतका सरोकारवाला बाट प्राप्त अनुरोधलाई मध्यनजर गर्दै आयोगको मिति २०८२ मङ्सिर १० गतेको बैठकबाट राजनीतिक दल दर्ता गर्ने अवधि २०८२ मङ्सिर १४ गतेसम्म थप गरिएको हो । "
आयोगका अनुसार फ़ागुन२१ गते सम्पन्न हुने निर्वाचनको लागि राजनीतिक दल दर्ता प्रक्रियामा सहभागी हुन चाहने दलहरूको चाप बढेकाले अतिरिक्त समय प्रदान गरिएको हो। आयोगले राजनीतिक दल गर्ने अवधि यहि मङ्सिर १ गते देखि १० गते सम्म तोकेको थियो। तर धेरै दलहरूले आवश्यक कागजात तयार गर्न थप समय मागेपछि आयोगले ४ दिनको अतिरिक्त अवधि दिने निर्णय गरेको हो।
