४ माघ ,काठमाडौँ — काठमाडौँ महानगरपालिकाका मेयर बालेन्द्र साह (बालेन) ले आज पदबाट राजिनामा दिएका छन्। उनले माघ ४ गते औपचारिक रूपमा उपमेयर सुनिता डंगोल समक्ष राजिनामा बुझाएका हुन्। पाँच वर्षका लागि जनताबाट निर्वाचित साहको राजिनामा पश्चात् महानगरपालिकाको दैनिक कामकारबाही उपमेयर सुनिता डंगोलको नेतृत्वमा अघि बढ्ने भएको छ।
आगामी फागुन २१ गते हुने प्रतिनिधि सभा निर्वाचनमा उम्मेदवारी दिने तयारीसँगै उनले मेयर पदबाट राजिनामा दिएको जनाइएको छ। साह स्वतन्त्र उम्मेदवारका रूपमा काठमाडौँ महानगरपालिकाको मेयर पदमा निर्वाचित भएका थिए।
प्राप्त जानकारीअनुसार उनी हाल रवि लामिछानेको नेतृत्वमा रहेको राष्ट्रिय स्वतन्त्र पार्टीबाट प्रतिनिधि सभा निर्वाचनमा उम्मेदवारी दिने तयारीमा छन्। उनले आफ्नो राजिनामा २०८२ साल माघ ४ गतेदेखि लागू हुने गरी दिएको उल्लेख गरेका छन्।
मेयर साहको राजिनामासँगै काठमाडौँ महानगरपालिकाको राजनीतिक र प्रशासनिक गतिविधि थप चासोको विषय बनेको छ।
